Bu ölkədə dəhşətli hadisə: Evdə beş körpənin meyiti tapılıb
Fransanın cənubunda yerləşən Voklüz departamentinin Oranj şəhərində bir evdə yeni doğulmuş körpə də daxil olmaqla beş körpənin meyiti aşkarlanıb. Hadisə ilə bağlı 32 yaşlı qadın saxlanılıb.
Ajans.az xarici mediaya istinadən xəbər verir ki, qadın Oranj şəhərində yerləşən köhnə binada sevgilisi və iki azyaşlı övladı ilə birlikdə yaşayırdı.
Karpantra Prokurorluğu bildirib ki, hadisə qadının sevgilisinin polisə müraciətindən sonra üzə çıxıb.
İstintaqın ilkin məlumatına əsasən, qadın iyulun 26-da evdə uşaq dünyaya gətirib, daha sonra isə qarın ağrıları səbəbindən xəstəxanaya müraciət edib. Hamiləlikdən xəbərsiz olduğunu bildirən sevgilisi evdə yeni doğulmuş körpə də daxil olmaqla dörd körpənin meyitinin saxlanıldığı qutu aşkar etdiyini deyib. Araşdırmalar zamanı ümumilikdə beş körpənin meyiti tapılıb.
Xəstəxanada müalicəsi başa çatdıqdan sonra qadın qəsdən adam öldürmə ittihamı ilə həbs edilib.
Hadisə ilə bağlı istintaq davam edir. Ailənin 8 və 12 yaşlı iki övladı isə sosial xidmət orqanlarının nəzarətinə götürülüb.
Digər Xəbərlər
