Tramp vida mərasimində ətrafındakılara konfet payladı-VİDEO
ABŞ Prezidenti Donald Tramp senator Lindsi Qrehemin dəfn mərasimi zamanı vitse-prezident Cey Di Vens və maliyyə naziri Skott Bessentə konfet paylayıb.
Ajans.az xəbər verir ki, bu barədə The Independent qəzeti mərasimdən yayılan videogörüntülərə istinadən məlumat verib.
Nəşrin yazdığına görə, Vaşinqton Milli Katedralında keçirilən vida mərasimində Trampın Cey Di Vensə bir neçə konfet uzatdığı və gülümsədiyi əks olunub. Daha sonra ABŞ prezidenti maliyyə naziri Skott Bessentə də konfet verib.
Kadrlarda həm Vensin, həm də Bessentin Trampın jestinə gülümsəyərək reaksiya verdiyi görünür.
Qeyd edək ki, senator Lindsi Qrehem iyulun 11-də vəfat edib. O, ölümündən iki gün əvvəl onuncu dəfə Ukraynanın paytaxtı Kiyevə səfər etmişdi.
Qrehem uzun illər Rusiyanın siyasətini sərt tənqid edən amerikalı siyasətçilərdən biri olub və Moskvaya qarşı tətbiq olunan bir sıra sanksiya təşəbbüslərinin müəlliflərindən hesab edilir. O, əvvəllər Donald Trampı kəskin tənqid etsə də, sonradan ABŞ prezidentinin yaxın siyasi müttəfiqlərindən birinə çevrilmişdi.
Digər Xəbərlər
