Qonşu ölkədə ZƏLZƏLƏ

Gürcüstanda gecə saatlarında 3,0 bal gücündə zəlzələ qeydə alınıb.

Ajans.az xəbər verir ki, bu barədə Novosti Georgia məlumat yayıb.

Məlumata görə, zəlzələnin episentri Samtsxe-Cavaxeti bölgəsində yerləşib.

Bundan əvvəl, iyulun 21-də saat 20:40 radələrində Şida Kartli bölgəsində də yeraltı təkanlar qeydə alınıb. Həmin zəlzələnin episentri Axalqori kəndindən 23 kilometr şimalda yerləşib və maqnitudası 3,3 olub.

Hadisələr nəticəsində ölən və ya xəsarət alanlar, eləcə də dağıntılar və infrastruktura ziyan dəyməsi barədə məlumat verilməyib.