Ronaldo son dünya çempionatını keçirdiyini açıqladı 

Portuqaliya millisinin hücumçusu Kriştianu Ronaldu karyerasında sonuncu dəfə dünya çempionatında iştirak etdiyini bildirib.

Ajans.az xəbər verir ki, 41 yaşlı futbolçu bunu DÇ-2026-nın 1/8 final mərhələsində İspaniya ilə oyun öncəsi keçirilən mətbuat konfransında deyib.

“Bəli, bu dünya çempionatı mənim üçün sonuncu olacaq. Ən əsası ondan tam zövq almaqdır”, - deyə Ronaldu bildirib.

Bu açıqlamadan sonra portuqaliyalı ulduzun 2030-cu ildə Portuqaliya, İspaniya və Mərakeşin ev sahibliyi edəcəyi dünya çempionatında iştirak etməyəcəyi dəqiqləşib.

Qeyd edək ki, Portuqaliya - İspaniya matçı iyulun 6-da keçiriləcək. Qarşılaşma Bakı vaxtı ilə saat 23:00-da start götürəcək.