Bu ölkədə metroda FACİƏ: 136 nəfər YARALANIB

İspaniyanın Barselona şəhərində metro qatarında baş verən yanğın nəticəsində azı 136 nəfər xəsarət alıb.

Ajans.az xəbər verir ki, bu barədə yerli yanğınsöndürmə xidməti məlumat yayıb.

Məlumata görə, yanğınsöndürənlər hüquq-mühafizə orqanlarının əməkdaşları ilə birlikdə sərnişinləri qatar vaqonlarından təxliyə edib və kiçik həcmli yanğını qısa müddətdə söndürüblər.

Hadisə yerinə cəlb olunan tibb briqadaları 136 nəfərə tibbi yardım göstərib. Onlardan 39-u yüngül və orta ağır xəsarətlərlə xəstəxanaya yerləşdirilib.

Hadisə ilə əlaqədar təsirlənmiş metro xəttində qatarların hərəkəti müvəqqəti dayandırılıb.