Tramp İranla bağlı mühüm açıqlama verəcək
ABŞ prezidenti Donald Tramp iyulun 16-da televiziya ilə xalqa müraciəti zamanı ABŞ-İran münasibətlərindəki son vəziyyətə toxunmağı planlaşdırır.
Ajans.az xəbər verir ki, bu barədə Axios nəşri Trampın müşavirlərindən birinə istinadən məlumat yayıb.
Mənbənin sözlərinə görə, prezident çıxışında ABŞ-də keçirilən seçkilər, Vaşinqton və Tehran arasında yaşanan son hadisələr, eləcə də gündəmdə olan digər mühüm məsələlər barədə danışacaq.
"Bu, müxtəlif mövzuları əhatə edən çıxış olacaq", – deyə Trampın müşaviri bildirib.
O əlavə edib ki, İran ətrafında vəziyyət sürətlə dəyişdiyi üçün prezident bu mövzuya xüsusi diqqət ayırmaq niyyətindədir.
Bundan əvvəl Donald Tramp Truth Social platformasında iyulun 16-sı axşam saatlarında televiziya vasitəsilə xalqa müraciət edəcəyini açıqlasa da, çıxışın mövzusunu dəqiqləşdirməmişdi.
Bəzi ABŞ KİV-lərinin, o cümlədən MS Now-un məlumatına görə, Trampın çıxışında 2020-ci il ABŞ prezident seçkilərinə xarici müdaxilə iddiaları da müzakirə oluna bilər.
Digər Xəbərlər
