Venesuelada faciə dərinləşir: Zəlzələ qurbanlarının sayı 5 mini keçdi
Venesuelada baş verən güclü zəlzələ nəticəsində həyatını itirənlərin sayı 5278 nəfərə çatıb.
Ajans.az xəbər verir ki, bu barədə ölkənin Milli Assambleyasının sədri Xorxe Rodriqes sosial şəbəkə hesabında məlumat yayıb.
Hökumətin gündəlik hesabatına əsasən, 16 740 nəfər müxtəlif dərəcəli xəsarətlər alıb, 17 907 nəfər isə evsiz qalıb. Zəlzələ nəticəsində 190 bina tamamilə dağılıb, 856 bina isə ciddi zərər görüb.
Axtarış-xilasetmə əməliyyatları zamanı 6462 nəfər xilas edilib. 41 069 zərərçəkən xəstəxanaya yerləşdirilib. Bundan əlavə, 128 324 ailəyə humanitar yardım göstərilib, 23 587 nəfər 107 müvəqqəti sığınacaqda yerləşdirilib və zərərçəkənlərə ümumilikdə 10 964,97 ton ərzaq çatdırılıb.
Xatırladaq ki, 24 iyun axşam saatlarında Venesuelada təxminən 40 saniyə fasilə ilə 7,2 və 7,5 bal gücündə iki güclü zəlzələ baş verib. Yeraltı təkanların episentri Yarakuy (Yaracuy) ştatında bir-birindən təxminən 10 kilometr məsafədə yerləşib. Fəlakətdən sonra bölgədə 1405 afterşok qeydə alınıb.
Digər Xəbərlər
