Tramp Maskla fikir ayrılığını etiraf etdi, amma onu təriflədi

ABŞ Prezidenti Donald Tramp bildirib ki, SpaceX və Tesla şirkətlərinin rəhbəri İlon Maskın sərvətinin 1 trilyon dolları ötməsi münasibətilə ona təbrik məktubu göndərib.

Ajans.az xəbər verir ki, bu barədə CNBC-ə müsahibəsində bildirib.

"Mən ona məktub yazdım və dedim: "Təbrik edirəm, çox yaxşı"", – deyə Tramp bildirib.

ABŞ lideri əlavə edib ki, Maskla münasibətləri hələ də çox yaxşıdır.

Bununla yanaşı, Tramp qeyd edib ki, administrasiyasının ABŞ-də elektrik avtomobillərinin istifadəsini məcburi edən siyasətdən imtina etməsi onların arasında müəyyən fikir ayrılığı yaradıb.

"Elon bundan məmnun deyil və mən bunu başa düşürəm. Amma o, işlərini uğurla davam etdirir", – deyə Tramp vurğulayıb.