Bolqarıstan Azərbaycandan neft idxalını artırıb 

Bu ilin yanvar-iyun aylarında Azərbaycandan Bolqarıstana neft ixracının həcmi artıb.

Ajans.az xəbər verir ki, Dövlət Gömrük Komitəsinin dərc etdiyi Azərbaycanın xarici ticarət gömrük statistikasına əsasən, hesabat dövründə Azərbaycandan Bolqarıstana 253,1 milyon ABŞ dolları dəyərində 358,8 min ton bitumlu süxurlardan alınmış xam neft və neft məhsulları ixrac edilib.

Komitənin məlumatına görə, bu göstərici dəyər ifadəsində 2025-ci ilin eyni dövrü ilə müqayisədə 204,9 milyon ABŞ dolları və ya 5,3 dəfə, həcm baxımından isə 279,5 min ton və ya 4,5 dəfə çoxdur.