Yanğına görə hərəkət MƏHDUDLAŞDIRILDI

Bakıda Kənar Dairəvi yolda baş verən yanğın səbəbindən nəqliyyatın hərəkətinə müvəqqəti məhdudiyyət tətbiq edilib.

Ajans.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.

Bildirilib ki, paytaxtın Yasamal rayonu ərazisində, Kənar Dairəvi yolda otluq sahədə yanğın baş verib

Sürücülərin təhlükəsizliyinin təmin edilməsi məqsədilə yol polisi tərəfindən Biləcəri dairəsi istiqamətində nəqliyyat vasitələrinin hərəkətinə müvəqqəti məhdudiyyət qoyulub.

Sürücülərə alternativ marşrutlardan istifadə etmələri tövsiyə olunur.