İran İsrailə kiberhücum edib 

İsrailin Check Point kibertəhlükəsizlik şirkəti 2026-cı ilin əvvəlindən etibarən İsrail dövlət qurumlarını və İT şirkətlərini hədəfə alan “Cavern Manticore” adlı yeni haker qrupunun fəaliyyət göstərdiyini açıqlayıb.

Ajans.az xarici mediaya istinadən xəbər verir ki, qrup uzaqdan idarəetmə və proqram yeniləmə vasitələrindən istifadə edərək şəbəkələrə gizli şəkildə daxil olmağa imkan verən mürəkkəb modul infrastrukturdan yararlanır. Hücumların əsas hədəfləri dövlət qurumları və informasiya texnologiyaları xidmətləri göstərən şirkətlər olub.