Tramp İranla bağlı növbəti addımları müzakirə edəcək

ABŞ prezidenti Donald Tramp aprelin 27-də İranla bağlı gələcək siyasət və mümkün tədbirləri müzakirə etmək üçün kabinet iclası keçirməyi planlaşdırır.

Ajans.az Axios nəşrinə istinadən xəbər verir ki, görüşdə İranla aparılan danışıqlarda yaranmış “çıxılmaz vəziyyət” və mümkün eskalasiya ssenariləri müzakirə olunacaq.

Məlumatda qeyd olunur ki, Ağ Ev həmçinin İranla bağlı növbəti addımlar, o cümlədən diplomatik və hərbi variantları dəyərləndirməyi nəzərdən keçirir.

Eyni zamanda, Tehran Vaşinqtona münaqişənin həlli üçün yeni təklif təqdim edib. Təklifə ABŞ sanksiyalarının yumşaldılması, Hörmüz boğazında gərginliyin azaldılması və İranın nüvə proqramı üzrə danışıqların bərpası daxildir.