Stüardessanı keçmiş sevgilisi ÖLDÜRDÜ

Ajans.az xarici mediaya istinadən xəbər verir ki, onun dəfələrlə etdiyi müraciətlərə lazımi reaksiya verilməyib. İndi isə qadının şikayətlərinə məhəl qoymayan polis əməkdaşları barəsində araşdırma aparılır və onları həbs cəzası gözləyə bilər.

Anastasiya dəfələrlə keçmiş partnyorunun ona təzyiq göstərdiyini bildirib. O, döyülmələr və təhdidlərlə bağlı hüquq-mühafizə orqanlarına müraciət etsə də, iddialarına görə, lazımi müdafiəni ala bilməyib.

Ölümündən qısa müddət əvvəl çəkdiyi videoda qadın bunları deyib

“Polis mənə kömək etmədi. Dəfələrlə döyüldüm, işgəncələrə məruz qaldım. Döyülmə izlərini dəfələrlə lentə aldım. Sənədlərim cırıldı. Məni qaçırdılar. ‘Yaxşı’ iş görən polisə təşəkkür edirəm.”

Hadisədən bir ay sonra Anastasiya ölü vəziyyətdə tapılıb. İstintaqın məlumatına görə, qadının ölümündən əvvəl etdiyi çoxsaylı şikayətlərə baxmayaraq, aidiyyəti qurumlar tərəfindən lazımi tədbirlər görülməyib. Hazırda bu müraciətləri araşdırmayan polis əməkdaşlarının məsuliyyəti məsələsi araşdırılır.