Seulda FACİƏ: Körpü çökdü, ÖLƏNLƏR VAR

Cənubi Koreyanın paytaxtı Seulda hündür dəmir yolu konstruksiyasının çökməsi nəticəsində azı üç nəfər həlak olub, daha altı nəfər yaralanıb.

Ajans.az xarici mediaya istinadən xəbər verir ki, hadisə söküntü işləri aparılan zaman baş verib. Çökmə nəticəsində ərazidə çalışan işçilər dağıntılar altında qalıblar.

Hadisədən sonra Seul ilə Sinçhon stansiyası arasında qatarların hərəkəti müvəqqəti dayandırılıb.

Hazırda ərazidə xilasedicilər işləyir, dağıntılar altında qalan şəxslərin olub-olmaması araşdırılır.