Ölkəmizə repatriasiya edilən 23 nəfərlə bağlı psixososial dəstək tədbirlərinə başlanıb

Azərbaycan Hökuməti tərəfindən Suriyadan ölkəmizə repatriasiya edilmiş 7-is qadın, 16-sı uşaq olmaqla daha 23 nəfər vətəndaşımız Sosial Xidmətlər Agentliyinin müvafiq sosial xidmət müəssisəsinə yerləşdirilib.

Bu barədə Ajans.az-a Əmək və Sosial Müdafiə Nazirliyindən məlumat verilib.

Repatriasiya olunmuş şəxslərə ilkin tibbi və sosial-psixoloji yardım göstərilib. Vətəndaşların reabilitasiya prosesi başa çatdıqdan sonra onlar evlərinə yola salınacaqlar. 

Son illərdə Sosial Xidmətlər Agentliyi ölkəmizə repatriasiya edilmiş 600-dən çox şəxsi sosial reabilitasiya xidmətlərinə cəlb edib.