Azərbaycanda proqramla uşaqlara ƏXLAQSIZ TƏKLİFLƏR edilir

Sosial şəbəkələrdə "evdən çıxmadan pul qazan", "asan gəlir" tipli elanlar son vaxtlar geniş vüsət alıb.

Ajans.az xəbər verir ki, ilk baxışda adi onlayn iş kimi görünən bu platformaların bəzilərinin gənc və yeniyetmə qızları əxlaqsızlığa sövq etdiyi iddia olunur.

Belə ki, "Sugo" adlı proqramda qeydiyyatdan keçdikdən dərhal sonra istifadəçiyə çoxsaylı mesajlar gəlməyə başlayır. İlk başda bunun avtomatik bot sistem olduğu düşünülsə də, sonradan qarşı tərəfin real insan olduğu anlaşılır. Bir müddət sonra proqram söhbəti davam etdirmək üçün istifadəçidən müəyyən məbləğ tələb edir.