Londonda sinaqoq yaxınlığında bıçaqlı HÜCUM- VİDEO

Böyük Britaniyanın Şimali London bölgəsində, Qolders Qrin ərazisində sinaqoqun yaxınlığında bıçaqlı hücum baş verib.

Ajans.az yerli mediaya istinadən xəbər verir ki, bir kişi ətrafdakı insanlara bıçaqla hücum edib. Nəticədə iki nəfər yaralanıb, onların vəziyyəti hazırda qiymətləndirilir.

Hücum edən şəxs polis tərəfindən Taser cihazlarından istifadə olunaraq saxlanılıb. Hadisə böyük yəhudi icmasının yaşadığı ərazidə baş verib.

Hazırda hadisə yerində təcili yardım xidmətləri və icmaların təhlükəsizliyinə cavabdeh qurumlar fəaliyyət göstərir. Araşdırma davam edir.